Presidenti i Brazilit, Jair Bolsonaro, hoqi maskën, teksa përshëndeti mbështetësit e tij në Brazilia, disa ditë pasi u shërua nga Covid-19.
Bolsonaro rezultoi pozitiv në fillim të këtij muaji, dhe u vetëkarantinua në rezidencën e tij. Kreu i shtetit u shpreh se infeksioni nuk i solli ndikim serioz shëndetësor.
Brazili renditet si vendi i dytë më i prekur në botë, pas Shteteve të Bashkuara. Me më shumë se 2,4 milionë të infektuar dhe 87 mijë viktima, presidenti është kritikuar shpesh për keqmenaxhimin e pandemisë.
Kjo nuk është hera e parë që Bolsonaro vijon të sfidojë autoritetet dhe rregullat e pandemisë. Më herët, edhe pse i infektuar me koronavirus, presidenti brazilian doli nga karantina e detyruar, duke ngarë motorin e duke folur me qytetarët në rrugë, pa një maskë mbrojtëse./Opinion.al
