Presidenti grek Prokopis Pavlopulos, teksa ka mbajtur fjalimin e tij me rastin e festës kombëtare të kryengritjes greke së 1821-shit kundër Perandorisë Otomane, ka dhë një mesazh të qartë për Shqipërinë, Maqedoninë e Veriut dhe Turqinë.
Konkretisht, Pavlopulos është shprehur se Greqia nuk është kundër perspektivës europiane të Shqipërisë, por ajo duhet të respektojë të drejtat ndërkombëtare dhe europiane.
Presidenti grek ka theksuar se mos respektimi i minoritetit grek nga autoritetet shqiptare si dhe pretendimet për të drejtën e çështjes çame do të sjellin pengesa për integrimin e Shqipërisë në Bashkimin Europian.
“Përsa i përket Shqipërisë fqinje, nuk jemi kundër perspektivës europiane të vendit. Çfarë parashikon si kusht bazë e logjik respektimin e sinqertë të së Drejtës Europiane dhe Ndërkombëtare, domethënë respektimin e Shtetit të së Drejtës dhe të gjitha të drejtave themelore të njeriut.
Kështu, trajtime të ngjashme me të fundit kundër minoritetit etnik grek, të cilat zhvleftësojnë dhunshëm vlerën e jetës së njeriut ose nënvlerësojnë hapur të drejta bazë si e drejta e pronës, përbëjnë një pengesë të pakapërcyeshme për perspektivën pa bllokada të Shqipërisë. Pengesë përbën dhe çdo pretendim krejt pa bazë, gjoja “të drejtash” të çamëve shqiptarë, bashkëpunëtorë të egër të nazizmit, siç është vërtetuar dhe historikisht”.
Teksa presidenti Pavlopulos drejtonte mesazhet dhe objektivat e Greqisë nga Kalamata ndaj tre shteteve si Shqipëria, Maqedonia e Veriut dhe Turqia, një turmë njerëzish kanë protestuar kundër marrëveshjes së Prespës.
Lidhur me këtë protestë policia shoqëroi dy persona, por nuk ka pasur dënime ndaj tyre./ Opinion.al E.Xh.
