Presidenti i Brazilit, Jair Bolsonaro, është shtruar në një spital të San Paulos të hënën.
Ai po i nënshtrohet një trajtimi mjekësor për një problem që i është shfaqur me zorrët, shkruajnë mediat braziliane.
Bolsonaro u godit me thikë gjatë fushatës për president në vitin 2018 dhe si rrjedhojë është shtruar disa herë në spital. Goditja me thikë dëmtoi rëndë zorrët e tij, kështu që ai iu nënshtrua disa operacioneve dhe iu desh një kohë e gjatë për tu rikuperuar.
Në kohën kur ndodhi ngjarja Bolsonaro hodhi akuza ndaj rivalëve politikë se ishin ata që organizuan sulmin.
Ndërkohë gjykata në vitin 2019 zbuloi se sulmuesi ishte i sëmurë mendor dhe si i tillë nuk mund të dënohej. Gjykatësi urdhëroi që sulmuesi, Adélio Bispo de Oliveira, të mbahej në një repart të shëndetit mendor në sistemin e burgut derisa zyrtarët e sigurisë publike të përcaktonin se ai nuk përbënte më kërcënim./Opinion.al
