Ish-kryeministri Sali Berisha deklaron se deputetët Luçiano Boçi dhe Oerd Bylykbashi janë përfaqësuesit e Komisionit të Rithemelimit që do të negociojnë në emër të PD me partitë opozitare për zgjedhjen e kandidaturave për presidentin e ri.
Berisha bëri këtë deklaratë nga selia blu pas përfundimit të mbledhjes së Komisionit të Rithemelimit.
Më herët, Rama ka paralajmëruar se nuk do të negociojë me Komisionin e Rithemelimit për presidentin, ndërkohë që në Konferencën e Kryetarëve u caktua data 16 maj për mbajtjen e raundit të parë të votimit në Kuvend.
Të imagjinosh një president jo politik është një absurditet pasi post ii presidentit është qartësisht politik. Vërtet nuk është një post ekzekutiv, por është përfaqësues dhe politik. Çdo parashikim kundër këtij kriteri është i gabuar, i stisur dhe nonsense. Ju e keni vënë re se si së fundmi procesi më serioz për një vend u katandis në një procs familjar. Nga njëra anë Batoni që është zëdhënsi më autentik i Ramës thotë se si Linda Rama nuk ka kandidat tjetër, Rama u thotë deputetëve të vet, emri im është më i propozuari nga ju. Pa ç’ka se është më i zgjedhuri këtë nuk e dimë. E hidhur është se kjo po trajtohet si një çështje familjare, s’ka ndodh kurrë ndonjëherë kjo. Ka pas vetëm një rast në Argjentinë, po dhe aty përfundoi keq”, tha Berisha.
Çfarë thuhet në rezolutën e Këshillit Kombëtar të PD të datës datës 6 maj?
Në Rezulotë thuhet se duhet ngritur një grup pune, që do të negociojë me partitë opozitare për emrin e kreut të ri të shtetit. Rithemelimi, thotë se do të votojnë në Kuvend kundër çdo kandidati, që propozohet nga maxhoranca.
Duke përjashtuar nga procesi, kryetarin e grupit Enkelejd Alibeaj, të cilin e shkarkuan në kuvendin e 30 prillit, rezoluta e miratuar, thotë se çdo qëndrim që bie ndesh me vendimet e Këshillit nuk përfaqëson Partinë Demokratike në procesin e zgjedhjes së Presidentit.
Teksa mandatoi Komisionin e Rithemelimit për gjetjen e një qëndrimi të përbashkët me partitë e tjera opozitare nëprocesin e zgjedhjes së Presidentit të Republikës në Kuvendin e Shqipërisë.
“Në rast se në procesin politik dhe parlamentar të gjetjes së kandidaturave, krijohen kushtet për konsensus për votimin e Presidentit nga kandidatë të propozuar nga opozita, mandatohen përfaqësuesit e Partisë Demokratike që bashkarisht me përfaqësuesit e tjerë të partive opozitare, të propozojnë kandidatë në raundet e përcaktuara nga Kushtetuta. Çdo alternativë që mundëson zgjedhjen e Presidentit me votat e Partisë Socialiste, apo të siguruara pa konsensus politik të vërtetë, do të refuzohet me votë në Kuvend.
Grupi parlamentar i Partisë Demokratike, në përputhje me Statutin e PD dhe nenin 4 të Rregullores së Grupit Parlamentar, siguron zbatimin e qëndrimit politik të Partisë Demokratike të përcaktuar në këtë rezolutë. Çdo qëndrim që bie ndesh me këtë rezolutë detyruese dhe tagrat përfaqësuese politike të rrjedhur nga vendimet e organeve përfaqësuese të Partisë Demokratike, nuk përfaqësojnë Partinë Demokratike në procesin e zgjedhjes së Presidentit.”, thuhet ndër të tjera në Rezolutë.
