Në mbledhjen e Grupit Parlamentar të PD-së Gazment Bardhi, ka shprehur qëndrimin e tij pro draftit për zgjedhjen e presidentit të ri që u propozua nga Enkelejd Alibeaj.
Bardhi ka ironizuar grupin e “Rithemelimit” duke thënë se kur “kërkojmë ne ta propozojmë presidentin jemi të shitur, ndërsa kur kërkojnë ata, atëherë janë opozitë e vërtetë”.
Ndër të tjera ai është shprehur se deputetët do marrin pjesë në proces, por jo disa që nga xhelozia thonë që presidentin e propozon Këshilli Kombëtar i PD.
“Kur ne kërkojmë që opozita të propozojë presidentin jemi ne të shitur. Kur Rithemelimi kërkon që opozita te propozoje presidentin janë opozitë. Sigurisht që deputetët do marrin pjesë në proces, jo disa që s’janë bërë deputete dhe nga xhelozia thonë që presidentin e propozojnë Këshilli Kombëtar i PD. Nëse ka kërkesa që të jete nga politika atëherë PS do thotë nëse duhet nga politika përse duhet filani nga PD dhe jo nga PS. Kriteret janë parimore dhe ndërtojnë një figure presidenti dinjitoz. Por nëse pranohet kriteri për të qenë në politike e pranojmë. Kriteret mund te diskutohen por një gjë është që ne kërkojmë ta propozoje opozita dhe këtu duhet të qendrojmë”-thotë Bardhi./Opinion.al
