Komisioni Evropian ka reaguar lidhur me deklaratën e kryeministrit Edi Rama i cili tha në seancën solemne të 10-vjetorit të Pavarësisë së Kosovës se Shqipëria dhe Kosova mund ta kenë një president të përbashkëti si simbol i unitetit.
“Deklaratat që mund të interpretohen si një ndërhyrje politike në vendet fqinje nuk ndihmojnë në ndërtimin e marrëdhënieve të mira fqinjësore”, ka thënë zëdhënësja e KE-së, Catherine Ray.
“BE pret që në të gjithë rajonin të vazhdojë ndërtimi i marrëdhënieve konstruktive dhe bashkëpunuese. BE ka vazhduar të mbështesë parimet e pajtimit dhe bashkëpunimit në këtë rajon”, ka nënvizuar ajo.
Ndërkohë, fill pas deklaratës së Ramës, disa politikanë nacionalistë serbë, kanë kërkuar që Rama të shpallet ‘non grata’ në Serbi.
