Fushata presidenciale e kryebashkiakut Pete Buttigieg në SHBA ka pushtuar kopertinën e revistës “Time”, kjo pasi Buttigieg është personi i parë i deklaruar gay që kandidon për Shtëpinë e Bardhë.
“Zoti nuk ka një parti politike”, është shprehur ai.
Në një garë me më shumë se 20 kandidatë, duke përfshirë 6 senatorë, 4 kongresmenë dhe dy guvernatorë, Buttigieg ka arritur që nga një i panjohur të kthehet në një konkurent, i cili po avancon me shpejtësi në kampin demokrat, duke lënë pas kandidatë edhe më të spikatur e duke u renditur tani pas Joe Biden dhe Bernie Sanders.
Buttigieg flet 8 gjuhë të huaja, përfshirë norvegjishten dhe arabishten, dhe thotë se ka më tepër eksperiencë qeverisjeje sesa Trump, ndërsa mundësitë duekt se po i rriten ndjeshëm.
Sipas “Time” nuk janë të paktë demokratët e uritur për ndryshime në këtë gjeneratë dhe dy garuesit përpara tij janë dy herë më të mëdhenj në moshë./Opinion.al
