Presidenca e Bashkimit Europian i kalon Kroacisë që prej këtij janari. Ndërkohë, ka ardhur dhe reagimi i Shqipërisë, kryetari i Kuvendit Gramoz Ruçi i ka dërguar letër urimi homologut kroat Jandroković.
Teksa përmend reformat në të cilat është përfshirë vendi, Ruçi ka shprehur se Shqipëria është gati për hapjen e negociatave me BE.
“Edhe pse Këshilli Europian nuk arriti të rekomandonte çeljen e negociatave me Shqipërinë dhe Maqedoninë e Veriut në tetor, kjo nuk na ka dekurajuar, por përkundrazi, na ka mobilizuar më shumë dhe na ka rritur ndjenjën e përgjegjësisë për integrimin europian të Shqipërisë”, shprehet Ruçi.
Kujtojmë që Kroacia ishte shteti i fundit i anëtarësuar në BE, 7 vite më parë./ Opinion.al
