Preshi ashtu si dhe qepa përmban një sërë lëndësh ushqyese dhe vitaminash, të domosdoshme për turpin e njeriut.
Preshi ka disa veti kurative, ndaj dhe rekomandohet për probleme të ndryshme të shëndetit, veçanërisht në probleme të sistemit nervor qendror.
Në arteriosklerozë dhe në gjithë moshën e tretë të thyer, në dobësi dhe në lodhjen fizike e psikike, në intelektualët dhe zyrtarët me jetë sedentare, preshi është një ushqim i këshillueshëm.
Gjithashtu ai rekomandohet në rate të sëmundjeve të sistemit kardio-vaskular, në edema.
Preshi sugjerohet edhe për sëmundjet e aparatit të frymëmarrjes dhe në zbutjen e kollës.
Në këto raste gjellët dhe lëngjet e preshit rekomandohet të konsumohen në gjendje të ngrohtë, përzier me pak gjalpë, mjaltë, vaj vegjetal për shtim efikasiteti.
Gatimet e preshit shfrytëzohen më shumë si lëndë ushqimore, dietetike e mjekësore edhe në sëmundjet e traktit tretës që shoqërohen me anoreksi, gazra, kapsllëk, si dhe me hiperfermentim në zorrë, por edhe me vështirësi në tretjen dhe thithjen e ushqimeve të ndryshme,
Preshi që përmban edhe mjaft kripëra minerale dhe mikroelemente, rekomandohet si ushqim dietetik mjekësor në shumë sëmundje të aparatit hepatobiliar, uro-genital, por edhe në shumë sëmundje të metabolizmint dhe në sëmundjet reumatike, me artritizëm, gute, reumatizëm etj, ku ndihmon për normalizimin e proceseve metabolike indore.
Lëngu i preshit të freskët përdoret gjerësisht në mjekësinë popullore të Bullgarisë, Rusisë, Kinës etj për larje, shpëlarje, lavazhe, kompresa në shumë sëmundje të hundëve, veshëve, grykëve, si dhe në dermatolgji, por edhe për fëmijët e dobët, distrofë e rakitikë.
Farat e shtypura dhe të ziera të karabushit të preshëve, të ziera me ujë, por edhe me verë të bardhërekomandohen si lëndë efikase kundër rërës dhe gurëve në aparatin urinar e fshikëzën urinare, madje edhe kur ato shoqërohen me dhembje të forta, me kolika renale-urinare.
Ky çaj infuz i karabushëve të bimës përdoret edhe si antidot kundër helmimeve nga kërpudhat toksike.
Preshi shfrytëzohet gjerësisht si ushqim dietetik-mjekësor edhe në kulinarinë italiane dhe mesdhetare./ Express
