Kryeministri Edi Rama, ka deklaruar se paga minimale do të bëhet 500 euro janarin e ardhshëm.
“Pate premtuar rritje rrogash, ku i ke se janë të njëjtat”, e pyeti një qytetar.
Ai tha teksa përgjigjej në rubrikën “Sy m’sy”, se me ardhjen e PS në pushtet, paga mesatare është rritur dy herë e gjysmë.
Më tej Rama theksoi se në 2024 u mbyll viti sipas INSTAT, me një pagë mesatare 1000 euro dhe sipas tij, në vitin 2030 paga mesatare do të jetë 1230 euro në sektorin publik.
“Nëse ka një gjë që është shumë evidente është pikërisht rritja e pagave në vend që ka impaktuar edhe rritjen e pagave ne sektorin privat, ku sot ne kemi një pagë mesatare te kombinuar me sektorin publik-privat, 830 euro.
Ndërkohë, kur ne morëm detyrën paga mesatare në sektorin publik ishte 372 euro, ndërkohë që në 2024 u mbyll viti sipas INSTAT me një pagë mesatare 1000 euro.
Është shumë e qartë që në vitin 2030 paga mesatar do të jetë 1230 euro në sektin publik. Jemi në kushtet ku pagën mesatare e kemi rritur me shumë se 2 herë e gjysmë. Jemi në këto shifra, dhe arsyeja pse ne vonohemi masivit është se kur i them gjerat atje në realitet, janë njerëzit që ato gjëra i kanë të prekshme.
Kur them që paga minimale ishte 157 euro, sot është 400 euro, ata që e kanë pagën minimale, e dinë se çfarë flas. Në qershor do u përcjellim kompanive vendimin qe paga minimale do të bëhet 500 euro janarin e ardhshëm, njerëzit e dinë”, tha Rama.
