Partia Demokratike ka reaguar pas deklaratave që të ish-kryeministrit Sali Berisha bëri nga Dibra.
Në një reagim në rrjetin social “Facebook”, PD shkruan se “non grata” vazhdon sulmet kundër demokratëve. Sipas selisë blu, kandidati i “Shtëpia e Ilirit” është i zgjedhur nga Ulsi Manja dhe po punon për të.
PD shkruan se bashkëshortja e Premtim Kryemadhit, kandidatit të Berishës për Dibrën, nuk i ka hetuar ministrat dhe zyrtarët e kryeministrit Rama, të cilët u kapën duke blerë vota në Dibër.
“Non Grata vazhdon sulmet kundër demokratëve. Kandidati i Shtëpisë së Ilirit, në Dibër përfaqëson korrupsionin që po e mban peng Shqipërinë, është njeriu i zgjedhur nga Ulsi Manja dhe po punon për të. Sepse gruaja e kandidatit të Shtëpisë së Ilirit, nuk i hetoi ministrat dhe zyrtarët e Edi Ramës që u kapën duke blerë votat në Dibër.
Non-grata dhe Meta po i poshtërojnë dibranët me burrin e prokurores Belina Zeneli, e cila nuk ka kryer asnjë veprim verifikimi në lidhje me mbi 300 kallëzime të bëra nga qytetarët dibranë, duke i lënë ata pa drejtësi për hallet e tyre.
Demokratët dhe qytetarët dibranë nuk do të pranojnë kurrë njerëz të tillë. Ata e dinë se nëse zgjedhin Berishën dhe Metën, mbajnë Ramën”,-shkruan PD./Opinion.al
