Tifozët e Premier League janë shtangur dhe zgjënjyer pas një gafe të rëndë për çështje tempizmi, teksa shefat e mëdhenj të ligës, kanë lejuar që në fanellat e reja të qëndrojnë dy logo të ndryshme që kundërshtojnë njëra tjetrën, ajo e reja e miratuar bujshëm këtë fillim sezoni, si dhe ajo e vjetra, tashmë e shfuqizuar. Futbollistët dhe tifozët e kampionatit anglez, këtë fundjavë inaguruan fanellat e reja me emblemën e miratuar për vitin 2016-2017 që ishte vendosur dukshëm në krahët e tyre. Por, lojtarët dhe tifozët, të cilët paguan para ekstra për të stampuar numrin e tyre të preferuar në fanellë, e pësuan keq, pasi bosat e Premier League, kanë harruar të rinovojnë në minutën e fundit logon që siglohet në numrat e fanellave.
Tashmë tifozët e Premier League janë pronarë të një fanelle me dy logo që kundërshtojnë njëra tjetrën, teksa në krah mbajnë logon e re, ndërsa të stampuar në numrin pas shpine kanë logon e vjetër. Tifozët e Southampton dhe Crystal Palace u shfaqën menjëherë të mërzitur me këtë gafë të rëndë të drejtuesve të ligës, ndërkohë që njëri prej tifozëve nuk është kursyer, duke shkruar në adresë të shefave të Premier League: “Mblidhni veten”.
Premier League iu nënshtrua kësaj vere procesit të rinovimit të markës/logos, teksa kanë angazhuar një prej sponsorëve që të bëjnë produktin e tyre edhe më të marketueshëm nëpër të gjithë globin. Agjencia creative “Design Studio” me seli në Londër dhe San Francisco, rinovoi logon e ligës më të kushtueshme të futbollit, duke ruajtur traditën, por njëherësh duke risjellë logon e luanit të thjeshtësuar, me një rrumbullaksi të fytyrës, me palete të ngjyrosura të ndriçuara dhe grafikë me paterne zig-zag.
