Njihuni me Hong Hong. Ai është 4 muajsh , jeton në Kinë dhe ka lindur me 16 gishta tek këmbët. Mamaja e tij, së fundmi ka bërë publike një foto, ku tregon pikërisht këtë gjë.
Kjo nuk është tipike. Djali ka lindur në 15 janar, në provincën e Hunanit me këtë çrregullim. Që atëherë prindërit e tyre kanë shpresuar për një ndërhyrje. Mjekët e kanë diagnostifikuar Hong Hong me polydactylism, e cila ndodh tek njerëzit, qentë dhe macet, duke u dhënë atyre gishta shtesë tek këmbët.
Sipas kujdesit të shëndetit të fëmijëve në Atlanta, kjo sëmundje nuk është e pazakontë pasi 1 në 1000 fëmijë që lindin preken nga ky çrregullim.
Prindërit e Hong Hong, tepër të prekur nga kjo situatë, janë duke mbledhur paratë e mjaftueshme, për të përballuar operacionin që do ti jepte zgjidhje këtij problem.
Por djali është tëpër i vogël për të përballuar një ndërhyrje, kështu që për momentin prindërit po përdorin ilaçe, në trajtimin e djalit të tyre.
Gjithashtu nëna e tij, ndër të tjerash ka treguar edhe një foto të duarve të djalit.Siç edhe mund ta shikoni ai ka 15 gishta.
Mjekët kanë dhënë këshilla të ndryshme, por operacioni duket të jetë I vështirë, pasi përveç eliminimit të gishtave të tepërt, djalit i mungojnë edhe gishtat e mëdhenj. Sipas mjekëve ato janë esenciale pasi i japin mundësinë të kapin objekte.
Operacioni mendohet të kushtojë rreth 200,000 Chinese yuan pra rreth $30,000 ka pohuar babai i Hongut.
Nga publikimi i këtij lajmi ata kanë marrë ndihma të mëdha edhe nga ndjekësit online. Për momentin ata planifikojnë të kthehen, në Shenzhen, aty ku ata jetojnë, në mënyrë që babai të fillojë të punojë.
Burimi:CNN/ Përktheu: Adela Zeneli/Opinion.al
