Kohët e fundit këngëtarja nga ishujt Barbados Rihanna ka qenë mjaft e tërhequr dhe e rezervuar sa i përket jetës së saj private.
Pak kohë më parë u publikuan lajme se Rihanna do të bashkëpunojë me markën luksoze të modës “LVMH” për të sjellë një koleksion me veshjet e saj nën logon “Fenty”.
Gjithashtu në intervistën e saj më të fundit për mediat e huaja ajo u shpreh se është duke punuar për albumin e saj të ri.
Megjithatë një fakt tjetër që rezultoi vërtetë surprizë për ndjekësit e saj është se prej një viti këngëtarja jeton në Londër.
Askush nuk e ka patur këtë informacion më parë dhe të gjithë janë habitur që ajo prej kaq kohësh nuk është më në New York.
Ka qenë vetë këngëtarja nga ishujt Barbados, e cila u shpreh për New York Times se ndihej mjaft mirë në Londër, pasi ka mundur të ruajë privatësinë e saj, duke mos e ditur njeri për të.
Mësohet se britanikët janë shprehur mjaft të lumtur për këtë fakt e sidomos kur Rihanna publikoi një foto me çantën e një supermarketi që ndodhet në Londër./Opinion.al/
