Gjendja shëndetësore e avokatit Sokol Mëngjesi është përmirësuar disi, pasi ndodhet prej 6 ditësh në gjendje kome.
Burime nga spitali i Traumës bëjnë me dije se Mëngjesi vijon të jetë në intubim.
Sot i është bërë skaneri dhe është konstatuar një ulje e edemës, që do të thotë se ka përmirësim. Por mjekët kanë vendosur që ta mbajnë edhe për 2 ditë në intubim, për të mos rrezikuar dhe kanë nisur t’i bëjnë një zgjim gradual.
Medikamentet që e mbanin në gjendje kome i janë ndërprerë gradualisht.
Avokati u godit pasi la djalin e tij në kopsht. Nga 4 autorët e dyshuar të sulmit, ku 3 goditën avokatin dhe njëri i transportoi në pranga ka rënë vetëm një.
Dorian Aliaj u vetëdorëzua mbrëmjen e dy ditëve më parë dhe ka folur para grupit hetimor. Sipas tij, ai dhe Drivald Alia, Elton Kasaj dhe Romario Tabaku nuk e kishin planifikuar sulmin ndaj avokatit.
Nga ana tjetër i ndaluari me iniciativë të policisë Dritan Nano, i cili sipas policisë dyshohet si organizator i sulmit ndaj avokatit ka mbajtur qëndrim mohues duke e përjashtuar veten nga kjo ngjarje.
