Prefekti i Tiranës, Shkëlqim Hajdari deklaroi se pas ndërhyrjes forcave zjarrfikëse, zjarri që përfshiu pallatin në Tiranë është vënë në kontroll.
Nga deklarata për mediat, Hajdari tha se para pak minuatash u evakua edhe një i moshuar nga pallati, i cili ndodhej në gjumë.
“Deri tani jemi të lumtur se nuk ka asnjë viktimë. Ka djegie dhe lëndime të karakterit jo të rëndë. Para 10 minutash u evakuar një banor që ishte në gjumë, falë veprimeve heroike të zjarrfikësve tanë. Për të qetësuar gjithë opinionin publik, zjarri është nën kontroll. Mendojmë se nuk do ketë viktima, jemi besimplotë”-u shpreh Hajdari.
Ai shtoi se operacioni ishte i vështirë dhe të gjitha forcat, zjarrfikësja, FNSH, zjarrfikës janë në gatishmëri.
