Vendimi për bonusin e qirave për familjet e prekura nga tërmeti në qytetin e Lezhës është kthyer për shqyrtim nga Prefekti i Lezhës Gjokë Jaku.
Sipas tij Bashkia e Lezhës ka vendosur tarifa të ulëta qiraje dhe kërkon informacion në lidhje me të dhënat për qiratë mesatare në tregun e banesave në Lezhë.
“Tarifat e vendosura nga Këshilli i Bashkisë së Lezhës për qiratë e shtëpive për familjet e shtëpive për familjet e prekura nga tërmeti i 26 Nëntorit, nuk janë në përputhje me vlerat e përcaktuara në shkresën e Ministrisë së Financave dhe Ekonomisë, datën 6 Dhjetorit, “Dërgohen të dhëna mbi qiratë mesatare në tregun e banesave për qarkun Lezhë”, thuhet në vendimin e firmosur nga prefekti i Lezhës.
Gjokë Jaku u emërua prefekt në Lezhë në Maj të këtij viti. Ai ka mbajtur një sërë funksionesh publike si përfaqësues i Partisë Socialiste. Ndër to preket i Shkodrës, kryebashkiak i Lezhës, deputet i Partisë Socialiste dhe Zv/Minister i Bujqësisë dhe Zhvillimit Rural. /Opinion.al
