Theo Jabocs, pas një karriere të gjatë si prokuror në Belgjikë është bërë pjesë e trupës së ONM që vëzhgon procesin e vetingut të gjyqtarëve e prokurorëve në Shqipëri. Në dy raste, ai është treguar i ashpër në seancat e Komisionit të Pavarur të Kualifikimit. Prokurori Gentian Trenova dy javë më parë nuk e kaloi vetingun, dhe mediat evidentuan përplasjen e Jabobs me Trenovën në seancën dëgjimore në KPK. Po kështu, prokurori belg është treguar i ashpër edhe sot në seancën për Arta Markun. Vetë Kryeprokurorja nuk mori pjesë në seancë, por u përfaqësua nga avokatja. Pikërisht për mungesën e saj, Jacobs tha se ishte i zhgënjyer pasi donte të debatonte në mënyrë profesionale me të.
“Duhet të ishte prezente znj. Marku në lidhje me rastin e shtetatit që është ndaluar për shkelje rrugore sepse kishte pirë pak më shumë sec duhej raki. Arta Marku (si prokurore e Shkodrës) kërkoi dy herë arrets me burg për këtë shtetas. Nuk e mbështes idenë se duhet të drejtohet mjeti nën efektin e alkoolit, por ama masa për ta lënë në burg është ekstreme”, tha Jabos. “Duke mare parasysh se Arta Marku i dha këtij personi 2 muaj burg dhe e mban atë dy javë në paraburgim, shoh se nuk ka balancë. Këndvështrimi është që duhet ta mbajë parasysh dhe jo të japë urdhra, por të fillojë të ndryshojë mentalitetin e Prokurorisë. Të mendohen dy herë kur kërkohet arrest me burg”, vijoi më tej përfaqësuesi i ONM-së.
Sakaq, ai ka folur edhe për aftësitë dhe integritetin e znj. Marku si prokurore e përgjithshme, duke thënë se ka paqartësi në mënyrën e organizimit, sidomos në komandimet e drejtuesve të prokurorive.
Ndërkohë sjellin më vemendje seancën e para dy javëve me prokurorin tashmë të shkarkuar Getian Trenova. Përfaqësuesi i ONM-së, Teo Jacobs është shprehur se “Une jam nga Belgjika dhe në Belgjikë ka një shprehje “Disa herë duhet të zgjedhësh mes dy të këqia. Ose duhet të thuash që ke fshehur këtë kontratë ose ke bërë deklaratë të rremë”. Përgjegjshmëria juaj si prokuror deri ku shkon kur ju duhet të hetoni njeëez që shkelin ligjin. Ky është thjesht koment. Gjatë këtij hetimi nuk kemi parë asnjë faturë për ndërtimin e kësaj shtese. Të lutëm më ndihmo ta kuptoj këtë gjë”, është shprehur ai.
Gentian Trenova u shkarkua, po Arta Marku? Do të duhet të presim deri nesër kur KPK-ja të vendosë për Kryeprokuroren e Përkohshme. /Opinion.al
Bashkengjitur:
Zbardhen detaje nga seanca per Arta Markun
