Precedenti “Lezha”, Kodi nuk parashikon shterrimin e listës

LEZHË- Kush do të jetë deputet i ri i qarkut të Lezhës tani që Arben Ndoka la mandatin e deputetit? Opsionet janë disa dhe Ramës i duhet të zgjedhë të keqen më të vogël. Duke parë listën e qarkut Lezhë vëmë re se ajo prihet nga Mimi Kodheli e cila dorëzoi mandatin e deputetit pasi u bë ministre e Mbrojtjes. Siç e parashikonte Kodi Zgjedhor mandati do t’i takonte një gruaje. Por në fakt dy gratë e kësaj liste, Mejreme Delishi dhe Mirela Neli u dorëhoqën duke mos pranuar të bëhen pjesë e jetës parlamentare. Këshu ishte i treti në listë Arben Prenga, ai që u fut në Parlament dy vite më parë. Por sot, as ai dhe as i dyti në këtë listë, Armando Prenga nuk janë më pjesë e parlamentit. Praktikisht qarku i Lezhës nuk ka asnjë përfaqësues të PS në Parlament dhe jo vetëm kaq, mazhoranca ka dy deputet më pak dhe më pak shanse për të votuar ligje me shumicë të cilësuar. Për sa kohë Armando Prenga është nën hetim, PS nuk mund ta zëvendësojë në Parlament, bëhet fjalë vetëm për zëvendësimin e Arben Ndokës.

Kush ka mbetur në listën shterruese të PS së Lezhës ?

I katërti në listë Ndrec Deda, është i porsazgjedhur kryetar i Bashkisë Mirditë. Nga burimet mësohet se Deda nuk ka dëshirë ta lë bashkinë për të marrë mandatin e deputetit. Burime nga KQZ thonë se me dorëheqjen e Arben Ndokës mandati i kalon Ndrec Dedës. Edhe Kodi Zgjedhor është evaziv nuk i përcakton qartë rastet kur një person është edhe kandidat për në parlament edhe për bashkinë. Gjithsesi kjo pritet të jetë një zgjidhje politike më shumë se sa ligjore. Partia Socialiste mund ta “detyrojë” Dedën ta pranojë këtë mandat. Shanset janë të jetë kështu. Pse? Sepse po ti referohemi sërish listës, në radhë është Eduard Ndocaj. Ky i fundit duke qenë se nuk përfitoi asgjë nga PS pas zgjedhje doli kundër saj, amdje pati edhe replika me PS e Lezhës, madje dhe akuzoi kryeministrin si “bukëshkalë” mosmirënjohës për kontributin që ai kishte dhënë për këtë parti gjatë fushatës zgjedhore. Kështu Ndocaj pak kohë më parë kaloi me PDK e Nard Ndokës. A do t’i shtrijë dorën kreu i PS Edi Rama, Eduard Ndocajt? Shanset janë të vogla, sic thonë burimet nga kjo parti. Dhe në fund të listës së PS në Lezhë është Kastriot Piroli person me precedentë penalë që ndodhet në burg i akuzuar për shpërdorim detyre.

Ka edhe një hipotezë tjetër, kalimi tek listat e LSI

Së fundmi në media flitet se nëse Ndrec Deda i Mirditës nuk e dorëzon bashkinë, PS do të zgjedhë një deputet nga listat e partisë tjetër në koalicion, LSI-së. “Opinion” pyeti KQZ për këtë e cila tha se “nuk ka një nen të vecantë në Kodin Zgjedhor që e përcakton këtë gjë”. Po sipas KQZ, nëse Partia Socialiste do ta kërkojë përmes përfaqësuesit ligjor, Genci Gjoncaj, KQZ do të bëjë mbledhje të posaçme për këtë çështje.

Kështu sipas ekspertëve rasti Lezha mund të përbeje një precedent për ndërhyrje në Kodin Zgjedhor

Lista e PS për qarkun Lezhe