Analisti Preç Zogaj mendon se liderët politikë kanë dy rrugë për të zgjidhur krizën politike: dialog ose luftë. Duke komentuar në Opinion letrën e kryeministrit Rama për kreun e opozitës ai tha se kidhte vetëm një frazë të re që duhej marrë në konsideratë: dialog pa kushte.
Preç Zogaj: Kryeministri është në kërkim të një zgjidhjeje. Për mendimin tim ne duhet të marrim nga kjo letër atë që është thelbësore. Dhe ajo është fraza kyçe, dialog pa kushte. Këtu bëhet dhe lojë fjalë por ne nisemi nga një premisë që hap shtegun që zhbllokon këtë ngërç. Le të marrim në konsideratë një fjali që është e re, kryeministri flet dhe me të tjerët. Nuk ka rrugë tjetër për të dalë nga kjo histori, luftë ose dialog. Nuk ka zgjidhje tjetër demokratike. Nuk njoh luftë apo revolucion që ka sjellë demokraci.
Një rrezik që zoti Zogaj shikon tek ky dialog është se bëhet në kohë fushate.
Nga ana tjetër analisti Ervis Iljazaj thotë se “Edi Rama kërkon një kundërshtar për të legjitimuar dhe pushtetin e tij. Ramës i duhet Basha, sepse është kundërshtar i tij. Tentativat për të ndërtuar një opozitë në laborator dështoi”.
Paskal Milo thotë se fraza “dialog pa kushte” është për opozitën. Ai mendon se Rama kërkon të heqë kushtet e opozitës. / Opinion.al
