Festivali “Kënga Magjike” do të startojë nesër në mbrëmje në Pallatin e Koncerteve, ku do të garojnë plot 45 këngëtarë. Në natën e parë gjysëmfinale do të konkurojnë 23 këngëtarë si Stine, Mateus Frroku, Gerta dhe Klejti Mahmutaj, Stresi, Klajdi Haruni, Blerta Gaçe, Bruno, Juliana Pasha, Endri Prifti, etj. Ndërsa natën e dytë do të ngjiten në skenë Flori Mumajesi, Albërie Hadërgjonaj, Altin Goci, Mariza Ikonomi dhe Klea, Aurela Gaçe, etj.
Siç dihet nga formula e spektaklit, këngëtarët janë ndarë në dy netët gjysëmfinale, për tu zgjedhur më pas nga votimet e njëri-tjetrit për natën finale. Siç është përmendur edhe më parë këtë vit Kënga Magjike do të jetë live, ku artistët do të tregojnë më së miri edhe aftësitë e tyre vokale.
Opinion.al i ka ndjekur në prova dhe performancat e tyre nuk ndryshonin aspak nga variantet e regjistruara, që kemi parë përgjatë programit “ E Diela Shqiptare”.
Edicioni i 17-të i Kënga Magjike do të çelet këtë vit nga fituesit e vitit të shkuar, Aurela Gaçe dhe Young Zerka, të cilët do të këndojnë live këngën e tyre “Pa kontroll”.
Foto nga “backstage” i KM.
Shpat Kasapi, Blerta Gace, Stine, Endri Prifti, Bruno, Stefi Prifti&Kastro Zizo, Renis Gjoka, Klajd Haruni, Kastro Zizo, Aurela Gace & Young Zerka, Stresi, Producenti Ardit Gjebrea
