Një pjesë e mirë e te rinjve, por jo vetëm, kanë bërë pjesë të rutinës së tyre të përditshme publikimin e fotove në rrjetet sociale. Në punë, në kafe, në festë, në shtëpi, me pushime apo kudo qofshin ata nuk munden pa bërë një shkrepje, ose dhe më shumë, e atë më të bukurën ta ndajnë me të gjithë. E gjitha kjo nuk është diçka e re.
Por nëse keni parë me vëmendje “Instagram”-in e një vajze, ajo që të bën përshtypje është fakti se si i ka bërë këto foto kaq të realizuara? Nuk e keni pyetur ndonjëherë veten?! Duket sikur kudo shkojnë janë të shoqëruara nga fotografë profesionistë. Pjesa më e madhe e tyre, në pamundësi të fotografit profesional, e kanë gjetur zgjidhjen: kanë kthyer të dashurin e tyre në një fotograf për t’u pasur zili!
E ndërsa ato janë të bukura pafund, të lumtura e të qeshura në foto, vetëm “ai”, i dashuri i saj, e di se çfarë ka hequr për të bërë këtë foto. Për një gjë të jeni të bindur, ato nuk do reshtin kurrë së ju kërkuari një foto e ju sigurisht, nuk ju ngelet gjë tjetër veç se të bëni shkrepjen e duhur. Në të kundërt, do ju duhet të bëni të radhës.
Më poshtë janë disa foto, ku duken të dyja palët, ajo e lumtur para aparatit dhe ai, në përpjekje e sipër për të realizuar atë që ajo i ka kërkuar!
