Eshtë dënuar me 35 vite burg Admir Dervishi, gardiani që vrau gruan në Kombinat. Gjykata e Lartë vendosi sot dënimin për të, duke e shpëtuar nga burgu përjetë që kishte caktuar Gjykata e Shkallës së Parë. Ulja e dënimit u bë pasi, ai pranoi krimin dhe pranoi gjykimin e shkurtuar.
Më 6 prill 2016, me armën e shërbimit Dervishi vrau me pistoletën e punës bashkëshorten e tij, Ilda Dervishi. Ish-gardisti u arrestua pak orë pas ngjarjes, ndërsa për motivet e ngjarjes ai u shpreh se shkak ishte bërë xhelozia dhe kushtet ekonomike me të cilat çifti përballeshin muajt e fundit.
Prokuroria ka ngritur ndaj ish-efektivit të Gardës akuzën e vrasjes për shkak të marrëdhënieve familjare, vepër e cila, sipas nenit 79/c të Kodit Penal, dënohet nga 20 vite në burgim të përjetshëm.
Krimi ndodhi në sy të dy fëmijëve të mitur të çiftit në kohën kur ata po dilnin nga banesa në rrugën e Qelqit në Kombinat.
