Komisioneri i BE-së për menaxhimin e krizave, Janez Lenarčič pranoi kërkesën e Shqipërisë për t’iu bashkuar mekanizmit të unionit për mbrojtjen civile.
Shqipëria i ka dorëzuar sot publikisht kërkesën Komisionerit të BE për menaxhimin e krizave, Janez Lenarčič, për t’u bërë anëtare e mekanizmit për mbrojtjen civile.
Gjatë fjalës së tij në konferencën e përbashkët me kryeministrin Rama, Lenarčič tha se ai është dakord me këtë kërkesë.
“Mekanizmi i BE për mbrojtjen civile përmban dhe disa shtete të tjera, që nuk janë anëtare e BE.
Në këtë listë mungon Shqipëria dhe sot jam i lumtur që ju kryeministër më keni dorëzuar kërkesën që Shqipëria të bëhet pjesë e emergjencave civile, dhe unë e mbështes këtë kërkesë.
Shqipëria jo vetëm të ketë mundësi të mbështetet tek solidaritetin i vendeve të tjera, por të shprehë solidaritetin e saj kur shtete e tjera kanë nevojë për të”,-tha ai.
