Policia e Tiranës ka arrestuar një 21 vjeçar, i cili postoi video në një rrjet social, për të treguar shkeljen rrugore që po kryente.
Nëpërmjet kësaj videoje të publikuar në TikTok ku policia e ka identifikuar dhe më pas i ka vënë prangat në bulevardin “Dëshmorët e Kombit”.
I riu shfaqej në video duke drejtuar makinën pa vënë rripin e sigurimit, duke përdorur celularin dhe pa patur leje për drejtimin e makinës.
Gjatë testit të kryer me AquilaScan rezultoi se ky shtetas drejtonte mjetin, nën efektin e lëndëve narkotike pasi kishte konsumuar kokainë dhe hashash.
Pavarësisht disa shkeljeve ligjore, policia e akuzon vetëm për “Drejtimi i automjeteve në mënyrë të parregullt”.
