Policia e Shteti ka sqaruar arrestimin e Amant Josifit në Dubai, i cili është i shpallur në kërkim ndërkombëtar kuadër të megaoperacionit policor ndërkombëtar të koduar “FRIDA-REFOX”.
“Në vijim të punës hetimore, gjurmuese dhe kërkimore, për kapjen e shtetasve të shpallur në kërkim në kuadër të hetimit të përbashkët ndërmjet autoriteteve policore shqiptare dhe atyre spanjolle, u kap në Dubai, për llogari të autoriteteve spanjolle, shtetasi i shpallur në kërkim ndërkombëtar Amant Josifi”,-njofton Policia.
Josifi ishte shpallur në kërkim ndërkombëtar, pasi Gjykata e Shkallës së Parë e La Seu de Urgell, Spanjë, në datën 3 nëntor të vitit 2022, i ka caktuar masën e sigurisë “Arrest në burg”, për veprat penale “Mashtrime me rrethana rënduese”, “Krim kibernetik”, “Skema piramidale” dhe “Organizata kriminale”, të parashikuara nga Kodi Penal spanjoll.
