Një 26-vjeçar i shpallur në kërkim prej dy vitesh, është kapur në Tiranë nga forcat operacionale. Ai është Aleksandër Kalemi nga Gjirokastra. Kalemi akuzohet se në datën 4 mars 2012 në vendin e quajtur lagjja “Dunavat” iu ka hequr lirinë dhe ka ushtruar dhunë fizike ndaj tre personave E. Sh., R. G., dhe K. A., të cilët janë mbajtur në mënyrë të paligjshme në fshatin Lazarat, Gjirokastër.
Njoftimi i Policisë: Më datë 05.09.2017, Seksioni i Kërkimit pranë Sektorit të Forcës së Posaçme të Operacioneve Speciale dhe Kërkimit në D.V.P. Tiranë, bëri të mundur ndalimin e shtetasit Aleksandër Kalemi, 26 vjeç, banues në Gjirokastër.
Ndalimi i këtij shtetasi u bë i mundur pasi Gjykata e Rrethit Gjyqësor Gjirokastër, me vendimin e datës 24.12.2015 e ka dënuar me 3 vjet burg për veprën penale “Heqje paligjshme e lirisë”, parashikuar nga neni 110/2 dhe 49 të Kodit Penal, sepse ky shtetas më datë 04.03.2012 në vendin e quajtur lagjia “Dunavat” iu ka hequr lirinë dhe ka ushtruar dhunë fizike ndaj shtetasve E.Sh., R.G., dhe K.A., të cilët janë mbajtur në mënyrë të paligjshme në fshatin Lazarat, Gjirokastër.
Shtetasi i ndaluar iu dorëzua D.V.P. Gjirokastër, për veprime të mëtejshme.
