Pasi policia vuri në pranga 27-vjeçarin Astrit Thaçi, i cili ka kryer grabitje me armë në Elbasan, Tiranë dhe Durrës bëhet e ditur se janë arrestuar edhe 2 persona të tjerë.
Policia ka njoftuar se është arrestuar 26-vjeçari me iniciale F.S, i cili kishte blerë 4 byzylykë floriri që Thaçi i kishte vjedhur. Gjithashtu policia ka arrestuar edhe bashkëpunëtoren e tij.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprat penale “Përvetësimi i parave ose i mallrave që rrjedhin nga vepra penale ose veprimtaria kriminale” dhe “Fshehja e të ardhurave”.
