Policia në Tropojë ka arrestuar 2 shtetas kosovarë pasi korruptuan doganierin dhe dy punonjës të policisë në pikën kufitare të Qafë Morinës.
Të arrestuarit po transportonin në mjetin e tyre mallra kontrabandë, xhama dyersh dhe dritaresh të cilat i kaluan pasi korruptuan autoritetet në kufi.
Në kuadër të operacionit ranë në pranga Artan Zeqiri 27 vjeç dhe Iliaz Rrustemi, 41 vjeç, të dy banues në Pejë, Kosovë, ndërkohë në pranga përfundoi dhe doganieri Jeton Markaj, 32 vjeç së bashku me Sadri Margjeka dhe Përparim Kuliçin , të dy me detyrë trup shërbimi në PKK Qafë Morinë.
