Bëhen publike të tjera detaje lidhur me arrestimin e shtetasve britanikë dhe të shqiptarit Edmond Haxhiaj, si të dyshuar për vrasjen e Adrian Nikulaj, pak ditë më parë në Shëngjin.
Sipas informacioneve të shpërndara në media policia britanike ka rënë në gjurmët e 3 të shpallurve në kërkim përmes telefonave celularë, pasi ishin njoftuar edhe nëpërmjet letërprosive të dërguara pak ditë më parë nga Policia e shtetit shqiptar.
Mësohet se 3 të arrestuarit kanë qenë në zona të afërta me njëri tjetrin, ndërsa më pas u arrestua lidhur me ngjarjen edhe një grua. Lidhur me ekzekutorin portugez, Ruben Saraiva ka dyshime se nuk ndodhet në Britani dhe mund të jetë larguar nga Shqipëria si këmbësor drejt Greqisë. Për të arrestuarit Edmond Haxhia, Thomas Mithan dhe Steven Hunt pritet ekstradimi nga Britania e Madhe drejt Shqipërisë.
Edmond Haxhia i dyshuar si porositës i vrasjes është djali i dajës së Elton dhe Klodian Lestakaj, të cilët 7-vite më parë akuzonin Ardian Nikulaj dhe Arben Nikulajn për vrasjen e dy familjarëve të tyre./Opinion.al
