Sokol Cikalleshi, sulmuesi i Bashakshehirit dhe kombëtares, doli sot në një konferëncë për shtyp, teksa nuk munguan ngacmimet për golin që i shënoi Eskishehirsporit në ndeshjen e fundit të kampionatit. Këtë herë, kavajasi dëshiron që golat e tij të shkaktojnë lot gëzimi: “Do të jetë një kënaqësi nëse do të ndodhë që ti bëj shqiptarët të qajnë nga gëzimi. Shpresoj që ndeshjen me Zvicrën ta fillojmë me këmbën e mbarë”.
Për Cikalleshin të gjitha ndeshjet janë finale: “Ne i marim ndeshjet një e nga një dhe do të jetë Zvicra sfida më e lehtë, pasi një fitore do të jetë ogur i mirë për kalimin e grupit. Jam krenar që jam pjesë e këtij brezi që realizuam ëndrrën e shqiptarëve. Nuk ngel gjë tjetër vetëm të shohim përpara dhe të shpresojmë nga kalimi i grupit”.
Sulmuesi i kombëtares shprehet se është në formë të mirë, ndërkohë tregon se në këtë Europian e ka harruar edhe Gjermaninë, ekip për të cilin ai bënte tifozllëk në kompeticionet e mëdha ndërkombëare. “Jam në formë, ndjehem mirë. kemi 20 ditë sa të filloj Euro dhe do punojmë shumë. Jemi në rrugën e duhur dhe presim të bëjmë gjithcka në mënyrën më të mirë”. “Kam qenë me Gjermaninë, por këtë vit është ndryshe sepse ne jemi këtu dhe i kam harruar të tjerët”.
