Koncesionet Partneritet Publik Privat do të kenë impakt në rritjen e borxhit të Shqipërisë. I këtij mendimi është guvernatori Gent Sejko, i cili i kërkon qeverisë të monitorojë marrëveshjet në investimet në rrugë ku shënohet rritje e faturave.
Guvernatori i Bankës së Shqipërisë Gent Sejko ka paralajmëruar qeverinë shqiptare për shtesën në fondet për kompanitë që kanë përfituar projekte PPP.
Gjatë raportimit në Komisionin e Ekonomisë ai kërkoi një monitorim më të rreptë sidomos në investimet në infrastrukturë, ku vërehet rritja e faturave. Po ashtu ai shprehet kundër mendimeve se kjo formë nuk rrit borxhin.
Informaliteti mbetet ende një problem në Shqipëri.
Sejko ka kërkuar prej qeverisë më shumë vëmendje për investimet e huaja.
I pyetur nga deputetët mbi mundësinë e kalimit të përdorimit nga leku në euro, ai shpreh tërësisht kundër duke paralajmëruar impakt negativ.
