Jane Seymour, 67-vjeç sapo i ka mbushur në 15 shkurt, ka dashur të festojë ditëlindjen me një shërbim fotografik dhe një intervistë për “Playboy”. E qeshur dhe me të brendshme në fotot e postuara në profilin e saj në Instagram, aktorja britanike ka rrëfyer për revistën, duke prekur edhe temën e ngacmimeve seksuale në botën e spektaklit, ku zbulon edhe momentin ku edhe ajo vetëm ka pësuar një abuzim.
Një bukuri që nuk njeh moshë. Joyce Penelope Wilhelmina Frankenberg, për të gjithë, Jane Seymour, është shfaqur në formë të shkëlqyer, e veshur me të brendshme rozë,ndërsa pozon në shtratin e shtëpisë së saj në Malibu.
Seymour ka pasur role të ndryshme në karrierë, para së gjithash atë të “Bond girl”, duke luajtur në filmin “Agjenti 007” me Roger Moore. Gjatë intervistës, Jane ka pranuar se ndihet “shumë seksi tani që jam shumë pranë të 70-ave, në krahasim kur isha më e re. Edhe pse atëherë nuk e dija se ç’kuptim kishte kjo gjë”. Ndër të tjera ka treguar një episod ku është sulmuar seksualisht nga një producent në vitin 1972.
“Shkova në shtëpinë e tij në pritje për të parë persona të tjerë aty, – ka thënë 67-vjeçarja. – Por nuk kishte asnjë. Ai ul afër meje dhe më tha: ‘Mirë, i thashë të gjithëve se je e përkryer për filmin tim. Je thjesht e përkryer’”.
Pastaj, “kërkesa” e producentit: “Unë e bëra punën tim, tani është radha juaj. E di se çfarë duhet të bësh…”.
“Nuk e di, – tregon ajo se i është përgjigjur. – Pastaj u ul afër meje dhe zgjati dorën në kofshën time. Unë u ngrita nga divani, nuk pata zgjidhje tjetër veç se të çohesha dhe ti thosha: ‘Të lutem, më dërgo në shtëpi’”.
Pastaj, ka vazhduar Seymour, “më hipi në makinë dhe më tha: ‘Nëse dikush e mëson që ke ardhur këtu, nëse do t’ia thuash dikujt, të garantoj që nuk do të punosh kurrë në çdo cep të planetit’”.
