Modelja Kendall Jenner është vendosur në qendër të kritikave pas publikimit të një fotoje ku shfaqej nudo dhe me një cigare në dorë.
Edhe pse në postimin e saj në Instagram ajo u sigurua që të thoshte se nuk konsumonte cigare, kjo gjë nuk i ka ndalur kritikat e shumta të ardhura nga fansat.
Shumë prej tyre e kanë akuzuar 21- vjeçaren se është shumë e varur nga nikotina, edhe pse përpiqet që t’u mbushë mendjen për të kundërtën.
Ato shkruajnë se nuk është e nevojshme që ajo të gënjejë, pasi kanë parë teksa pi cigare në reality show-n “Keepin up with Kardashian”. E megjithatë, nuk duhet larguar vëmendja nga kjo foto artistike, në të cilën bukuroshja duket shumë sensuale.
Format e saj perfekte dhe aspak të ekzagjëruara tek rrinte mendueshëm me një cigare në dorë poshtë një shandani, nuk mund të mos vlerësoheshin. Ajo është ndër modelet më të kërkuara e cila po dominon botën e modelingut prej disa kohësh.
