Policia e Lezhës ka proceduar penalisht një 24-vjeçar, pasi kishte publikuar në TikTok foton e fletës së plotësuar të votimit.
Mësohet se i riu është emigrant në Gjermani.
Ai akuzohet për veprat penale “Shkelja e fshehtësisë së votimit” dhe “Shkelja e së drejtës së zgjedhjes”.
“Specialistët e Seksionit për Hetimin e Krimit Ekonomik dhe Financiar referuan materialet në Prokurori, ku nisi procedimi në gjendje të lirë, për veprat penale “Shkelja e fshehtësisë së votimit” dhe “Shkelja e së drejtës së zgjedhjes”, për shtetasin E. N., 24 vjeç, pasi ka publikuar në rrjetin social “TikTok”, një fotografi të fletës së votimit (të plotësuar) që e ka siguruar nëpërmjet shërbimit postar, duke qenë se është emigrant në Gjermani”, njofton policia.
Materialet procedurale iu referuan Prokurorisë së Lezhës, për veprime të mëtejshme.
