Teksa ditën e nesërme pritet që të vizitojë Shqipërinë, Sekretari Amerikan i Shtetit Antony Blninken, në kryeqytet kanë nisur përgatitjet për pritjen e tij.
Blinken do të zbresë në aeroportin “Nënë Tereza” rreth orës 11:00 të paradites ndërsa mësohet se do të zhvillojë takime me Presidentin Bajram Begaj dhe kryeministrin Edi Rama.
Sakaq, në pritje të Blinken, kryeqyteti është “veshur” me flamuj amerikanë dhe në fasadën e Universitetit Politeknik të Tiranës është vendosur një banderolë gjigande me foton e tij, për t’i shprehur mirëseardhjen Sekretarit të Shtetit.
