Komisioni Evropian pranoi këtë të premte statusin kandidat të Ukrainës për anëtarësim në Bashkimin Evropian, por në këmbim vendi duhet të kryejë “reforma të rëndësishme” që ky anëtarësim të ndodhë.
Për këtë arsye, kryeministri i Portugalisë, António Costa, ka paralajmëruar se procesi do të jetë “i gjatë, shumë kërkues dhe i pasigurt”.
Në këtë kuptim, ai ka kërkuar të reflektojë për “arkitekturën institucionale dhe buxhetore” të Bashkimit Evropian. “Portugalia i beson vlerësimit që Komisioni Evropian i bën kushteve që plotëson Ukraina për të qenë në gjendje të jetë kandidate”, deklaroi Costa, i cili shtoi se Brukseli “nuk duhet të hutohet” nga gjëra jothelbësore, pasi ajo që i nevojitet aktualisht Ukrainës “është mbështetje financiare, ushtarake dhe humanitare”.
Kryeministri portugez ka kujtuar se të qenit kandidat për në Bashkimin Evropian “nuk zgjidh asnjë problem specifik në Ukrainë”.
António Costa ka reflektuar edhe për ndryshimin që do të sillte në BE hyrja e Ukrainës, Moldavisë (e cila është pranuar edhe si kandidate) dhe eventualisht e vendeve të Ballkanit Perëndimor.
“Ky integrim i ardhshëm kërkon një reflektim mbi arkitekturën e ardhshme institucionale dhe buxhetore të BE-së”, theksoi ai, duke shtuar se mund të jetë e nevojshme të rritet ose të riorganizohet numri i deputetëve të Parlamentit Evropian ose përbërjes së Komisionit Evropian, i cili në mendimi i tij “është e pamendueshme që mund të funksionojë me 33 apo 34 anëtarë”.
