Lionel Messi shënoi dy gola ndaj Çelsit mbrëmjen e djeshme, teksa ndihmoi ekipin e tij të siguronte një biletë për në çerekfinale. Por, e veçantë e golave të tij ndaj portierit Kurtua, ishte se argjentinasi ia shënoi të dy golat, mes këmbëve belgut.
Pas sfidës, portieri u shpreh se tek goli i parë, ishte shumë vonë që ai të mbyllte këmbët, pasi nuk ia merrte mendja se Mesi do të provonte nga ai kënd. Por, rrjetet sociale nuk e kanë “falur” belgun. Ironia ka qenë therëse, duke shkuar deri aty sa i kanë veshur një fustan, për t’i mbrojtur hapësirën mes këmbëve, apo edhe një rrjetë./panoramasport
