Me të njëjtën gjuhë si kryeministri Edi Rama, ministrja e Shtetit, Elisa Spiropali iu është përgjigjur akuzave të kryetarit të PD, Sali Berisha për projektin e Portit të Durrësit.
Spiropali tha në Parlament se Berisha dhe deputetët e opozitës i bëjnë llogaritë sipas mendjes së tyre, pasi ata e kanë mendjen vetëm për të vjedhur.
Ministrja theksoi se projekti dhe investitori ka emër ai është Muhamed Al abar, ndryshe nga koha kur qeveriste Berisha, kur sipas saj, pas investitorëve dilnin djali, dhëndri dhe familja.
“Nuk është ndonjë çudi për të kuptuar se për Haxhiu dhe Qamili dalijn kundër të gjitha projekteve, sepse ata mendojnë sipas mendjes së tyre dhe gjykojnë me mendësinë ë tyre, se kush përfiton 3%, ku shkojnë ato para dhe kush i merr. Kush i afrohet projektit me çantë të zezë dhe kërkon bashkëpronësi mendon Haxhiu. Ndërsa Qamili mendon kush afrohet me bllokun e zi dhe sa merr. Në këto kushte nuk ke si të jesh dakord me projektin por mendoni pse nuk jam unë. Keni dashur kusarinë më shumë se Shqipërinë prandaj nuk e bëtë portin në 2006-n, prandaj ja keni mohuar Shqipërisë portet dhe rrugët, këtu përkon tradhtia dhe kusaria juaj. Prandaj Shqipëria ka humbur vit pas viti shanset historike, në 96-n e donit gjithë pushtetin. Në 97-n paratë e shqiptarëve janë qelibar dhe i çuat shqiptarët aty ku i çuat, flisni ju për largime a shqiptarë i kanë ngrënë peshqit. Vini sot kur ne prezantojmë projektin më të rëndësishëm për Shqipërinë dhe rajonin dhe bëni pyetjet tuaja banale se kush do vjedhë dhe jo çfarë do bëjë, pasi ashtu i bënit punët juve dhe jo ne. Ka 3 vite që kryeministri negocion me princin e kurorës dhe investitorin më të madhe Muhamed Al Abar ai është investitori, jo si ju hiq maskën del dhëndri, del djali. Nuk keni lënë teori pa shpikur”, tha Spiropali.
