Aktualitet

Porti i Durrësit/ Berisha: Menaxheri i Emaar është dhe menaxher i Bashës



Bëhu pjesë e Grupit Zyrtar të Opinion.al
>> KËTU <<
               Publikuar në : 14:07 - 23/11/22 |
Opi Nion

Kryetari i Partisë Demokratike, Sali Berisha në mbledhjen e Grupit Parlamentar ditën e sotme foli sërish për projektin e Portit të Durrësit, për të cilën akuzon si të përfshirë ish-kreun e PD, Lulzim Basha.

Berisha deklaroi se Rama shkriu aksionet me Bashën për të plaçkitur shqiptarët. Sipas tij menaxheri i Emar dhe menaxheri i kompanisë Basha është i njëjti person.

Ndër të tjera kryedemokarti tha se edhe pse menaxheri deklaroi se kishte dhënë dorëheqjen, kjo nuk ishte e vërtetë, vazhdonte punën si menaxher i të dy kompanive.

“Porti i Durrësit përbën aktin më madhor të krimit ekonomik të një organizate të strukturuar kriminale me të cilën shqiptarëve u plaçkitet pasuria numër një. Përben aktin mafioz në të cilën Edi Rama shkriu aksionet dhe me ish kreun e opozitës, për t’i bërë gjëmën shqiptarëve dhe pluralizmit politik.

Duhet të sqarojmë shqiptarët se kur mediat njoftuan se menaxheri i Emar dhe menaxheri i kompanisë familjare Basha ishte i njëjti person, çfarë ndodhi? Unë nuk po bëj politikë. Ky menaxher doli dhe tha se unë dhashë dorëheqjen nga kompania Basha.  I pari unë besova se dha dorëheqjen, por unë dhe ata që besuam se kjo ndodhi besuam. Kjo nuk kishte ndodhur dhe ishte një mashtrim. Një muaj më vonë, ky dopio menaxher u gjet se vazhdonte detyrën në kompaninë Basha. Dopio menaxheri nuk dha dorëheqjen nga Emar, ai tha se dhashë dorëheqjen nga Basha. Por në fakt ai vazhdonte menaxher i të dy kompanive.

Ky përbën një akt shekspirian në kuptimin e gllabërimit të opozitës në një aferë të tmerrshme mafioze. Është aspekti i tretë shumë i shëmtuar për portin e Durrësit”-tha Berisha.

Pas