Kryetar i prezencës së OSBE në Shqipëri, Michel Tarran ka mbajtur fjalën e gjatë prezantimit të portalit e-Legjislacioni.
Tarran në fjalën e tij është shprehur se ky portal është më shumë se një platformë dixhitale.
“Është më shumë se sa kënqësi që të jem këtu ndërsa shënojmë këtë hapje të portalit të legjislacionit si gur themeli të procesit të ligjvënies së Shqipërisë. Ky portal është më shumë se një platformë dixhitale. Është një rezultat i një pune të gjatë të vendosur nga Kuvendi me partnerët për ta bërë ligjbërien më transparente, dhe të qasshme”, tha Tarran.
Tarran theksoi se sot janë mbi 300 ligje që mund të gjenden në këtë portal.
“Ky tranzicion për legjislacionin elektronik do të mundësojë rezultate të vërteta, harmonizimin dhe konsolidimin e teksteve ligjore, përmirësimin e rrjedhës së punës së brendshme të Kuvendit dhe do të fuqizojë koordinimin mes institucioneve ligjvënëse.
Që nga 2023 me mbështetjen për këtë projekt kemi arritur rezultate kyçe. Kemi zhvilluar katër programe kompjuterike thelbësore. Mbi 85% e stafit janë trajnuar për këtë proces dhe mbi 82 mijë faqe legjislative janë skanuar dhe mbi 5 mijë faqe janë shënuar për akte ligjore.
Miratimi për tekstet e lexueshme nga kompjuteri dhe një nyje të brendshme dhe praktika të tjera të njëhësuara me senatin italian, parlamentin Europian dhe atë Austriak.
Sot mbi 300 ligje janë të gjendshëm përmes portalit. Kjo është një themel i fuqishëm dhe është vetëm fillimi. Shqipëria bashkohet më një numër të gjerë vendesh përfshirë Francën që e kanë adaptuar këtë sistem para disa vitesh. Kjo reformë është një hap thelbësor në rrugëtimin e përafrimit të Shqipërisë më BE”, deklaroi Tarran.
