Zëvendës kryeministrja Seneida Mesi ka dhënë ditën e sotme një lajm pozitiv për qytetarët. Mesi deklaroi në një konferencë për mediat se me anë të portalit E-Albania do të ofrohen disa shërbime shtesë për qytetarët, ndërsa shtoi se qytetarëve nuk do t’u kërkohen më certifikata.
Ajo tha më tej se edhe marrja e vërtetimit të lejeve të drejtimit, po ashtu edhe vërtetimet e pronësisë do të bëhet në mënyrë online, zëvendëskryeministrja Senida Mesi ka njoftuar vendimin më të fundit të kabintetit Rama 2.
“Siç jemi zotuar më parë, vazhdojmë të mbajmë premtim duke ofruar shërbime më të shpejta, efecientë, përmes shërbimi E-Albania. Kjo bëhet për reduktimin e certifikatave, kopjet e kartelave të pasurisë, kapjet të hartës kadastrale, barra e vërtetimit i kalon administratës. Dua të informoj qytetarët se ju jeni të çliruar nga detyrimi për tërheqjen dhe paraqitjen e certifikatave nga administrata, ndaj refuzoni çdo kërkesë për to. Kërkojmë falje për ndonjë problematike gjatë kësaj faze. Ky është një hap i rëndësishëm për ndërtimin nga themelet të marrëdhënies së qytetarit me shtetin, për qytetarin”, tha Mesi. /Opinion.al
