Tre vajza janë plagosur në një aksident rrugor të regjistruar pasditen e së shtunës në Shkodër.
Sipas policisë, një automjet tip “Porsche”, që drejtohej nga një 20-vjeçare, ka dalë nga rruga në aksin rrugor Shkodër – Lezhë, në fshatin Melgushë, Vau i Dejës.
Për pasojë, e lënduar ka mbetur drejtuesja e mjetit dhe një 20-vjeçare tjetër e cila po udhëtonte me të.
Po ashtu në automjet me to po udhëtonte dhe një 18-vjeçare nga Ukrainë dhe të treja vajzat janë dërguar në spital për ndihmë mjekësore.
“Si pasojë është dëmtuar drejtuesja e automjetit shtetasja R.P, dhe shtetasja D. N., 20 vjeçe, të dyja banuese në Mali i Jushit, Vau i Dejes, si dhe shtetasja I. K., 18 vjeçe, banuese në Ukrainë, të cilat janë transportuar për në spital për ndihmë mjekësore”.
Grupi hetimor po punon për përcaktimin e rrethanave të aksidentit.
