Partia Socialiste e ka nisur javën e fundit të fushatës elektorale me një mbledhje të Kryesisë.
Kryeministri Edi Rama ka dhënë porositë e fundit për mbarëvajtjen e procesit zgjedhor. Shefi i qeverisë ka kërkuar nga socialistët të jenë korrekt me procesin e administrimit zgjedhor dhe të respektojnë Kodin Zgjedhor.
“Kush prek votën dhe manipulon votën do përgjigjet para ligjit”, mësohet të ketë thënë kreu i qeverisë në mbledhjen e Kryesisë.
Ndërkohë mësohet se mitingu i fundit i fushatës, ditën e premte do të jetë në qytetin e Vlorës./ Opinion.al
