Spanja, një nga vendet europiane më të goditura nga koronavirusi, po vijon përmirësimin gradual nga pandemia. Kështu raportohet se vendi iberik shënoi 301 humbje jetësh në harkun kohor të 24 orëve, për një total viktimash prej më shumë se 23 mijë e 800.
Edhe pse Covid-19 ka infektuar mbi 210 mijë persona, sipas autoriteteve gjysma e tyre janë shëruar. Nga ana tjetër, qeveria po i përgjigjet situatës me një plan gradual për lehtësimin e kufizimeve. Edhe pse ende nuk dihen detajet konkrete të masave të reja, “El Pais”, shkruan se ato u përshpejtuan nga presioni i lartë i spanjollëve ndaj ekzekutivit.
Në 3 muajt e fundit kanë humbur vendin e punës rreth 300 mijë qytetarë, ndërsa mijëra biznese po hasin vështirësi të mëdha ekonomike dhe rrezikojnë falimentin./Opinion.al
