Presidenti i Polonisë Andrzej Duda ka thënë se raketa që ra në Poloni dje ishte “me gjasë e përdorur nga mbrojtja ajrore ukrainase”.
Duke folur me gazetarët, Duda tha se Polonia ishte ende duke analizuar mundësinë e nisjes së procedurës së Nenit 4 të NATO-s, por dukej se mund të mos ishte e nevojshme të përdoret kjo masë.
Ai vazhdoi duke thënë se nuk kishte indikacione se shpërthimi i raketës në Poloni që vrau dy persona të ishte një “sulm i qëllimshëm”, duke e përshkruar atë si një aksident fatkeq.
Më herët, presidenti i SHBA, Joe Biden, tha gjithashtu se nuk ka gjasa që Rusia ta lëshojë raketën, por shtoi se “do ta verifikojmë”.
Raketa ra në fshatin rural Przeëodoë, i cili ndodhet rreth katër milje në perëndim nga kufiri ukrainas.
