Polonia do të dëbojë 45 diplomatë rusë, të cilët i ka akuzuar për spiunazh. Shërbimi i sigurisë së brendshme të Polonisë dhe kundër-spiunazhit ABW ka identifikuar 45 diplomatë rusë të dyshuar si spiunë dhe i ka bërë thirrje ministrisë së jashtme t’i dëbojë ata, tha zëdhënësi i saj.
Agjencia France-Presse raporton se zëdhënësi Stanislaë Zaryn u tha gazetarëve “Agjencia e sigurisë së brendshme ka hartuar një listë me 45 persona që punojnë në Poloni nën mbulesën e aktiviteteve diplomatike të cilët akuzohen për shënjestrimin e Polonisë”.
Ai tha se lista e të dyshuarve ishte transferuar në ministrinë e jashtme, duke postuar në Twitter se “ABW po kërkon që ata të dëbohen nga territori polak”.
ABW “ka arrestuar një shtetas polak me dyshimin për spiunazh për shërbimet sekrete ruse”, shtoi zëdhënësi në Tëitter.
Raportohet se ambasadori rus ishte thirrur në ministrinë e jashtme në Varshavë. Agjencia e lajmeve RIA në Rusi po raporton se ministria e jashtme atje tashmë është e angazhuar të hakmerret nëse diplomatët e saj dëbohen nga Polonia./Opinion.al
