Një lojë aventurash përfundoi në tragjedi në qytetin verior Kozalin të Polonisë, ku 5 vajza adoleshente humbën jetën si pasojë e një zjarri. Ngjarja e rëndë ndodhi në një sallë lojërash, e quajtur “dhoma e arratisë”, ku kryesisht të rinjtë kyçen dhe mundohen të gjejnë një rrugë shpëtimi.
Vajzat e gjetura të djegura në dhomë, janë të gjitha të moshës 15-vjeçare.
Zjarri i beftë i kapi të papërgatitura dhe të bllokuara brenda dhomës së arratisë. Si pasojë e flakëve, i plagosur rëndë mbeti edhe një djalë 25-vjeçar. Shkaku i zjarrit mbetet i panjohur, por autoritetet dyshojnë tek niveli i ulët i sigurisë në qendrën e lojës.
