Jean Wyllys, një nga politikanët e parë në Brazil i cili ka deklaruar që është gay, ka thënë që do të heqë dorë nga politika dhe do të largohet jashtë vendit për shkak të kërcënimeve të dhunës që ka marrë ai dhe familja e tij. Wyllys foli për gazetën Folha de Sao Paolo, dhe tha se do të udhëtonte drejt Europës. Ai shtoi se të paktën për momentin, nuk ka ndërmend të kthehet më në Brazil.
Jean Wyllys është lektor në universitet, gazetar, dhe politikani i dytë në Brazil i cili ka pranuar që është gay. Ai u bë i njohur pasi fitoi sezonin e pestë të Big Brother Brazil. Wyllys ka qenë pjesë e parlamentit në Brazil që prej vitit 2011. Mandati i tij i tretë i cili do të niste muajin e ardhshëm u rikonfirmua tetorin e shkuar.
Wyllys, si një nga përfaqësuesit e komunitetit LGBT me profilin më të lartë, fajësoi klimën anti-LGBT dhe dhunën që filloi gjatë fushatës zgjedhore që bëri Jair Bolsonaron president. Bolsanaro ka një histori të gjatë seksizmi, anti-LGBT, racizmi dhe fashizmi. Wyllys dhe Bolsanaro vazhdimisht janë përplasur në parlament mbi një numër të madh çështjesh, duke përfshirë edhe paragjykimin dhe të drejtat e komunitetit LGBT.
Pak pas lajmërimit të Wyllys, Bolsanaro postoi në Twitter një emoji “Thumbs Up”. Më vonë ai sqaroi që nuk kishte të bënte me intervistën./E.L
