Gazetarja e kronikës, Klodiana Lala, sonte, në emisionin “Studio e Hapur” në “News 24” ka lëshuar një deklaratë të fortë në lidhje me bashkëpunimin e krimit me politikën.
Përgjatë diskutimit me deputetin e PS-së, Xhemal Qefalia, Lala theksoi se në kohën kur ai ka qenë drejtor burgu, ka ndodhur që disa politikanë janë paraqitur në dyert e burgjeve për të takuar kriminelë, madje bënin edhe fushatë.
“Keni qenë drejtues burgu dhe e dini se si politikanët kanë ardhur në dyert e burgjeve dhe takonin kriminelët, bënin edhe fushatë”, tha Lala.
Xhemal Qefalia: Këtë nuk e thashë unë
Klodiana Lala: Na thuaj emrin e një peshkaqeni të madh të arrestuar zoti Qefalia
Xhemal Qefalia: Në të tilla raste që të marrësh përgjigje të plotë duhet t’ju referohesh shifrave. Ne jemi transparent. Fakti që kemi uljen më të madhe historike të vrasjeve tregon prirje rendimentale dhe punë të policisë. Elementi kriminal zbulohet nga policia e më tej është pjesë e një sistemi tjetër të pavarur. Ndaj ne kërkojmë reformë të madhe tek ajo pjesa e pavarur. Policia tani është trajtuar mirë, e veshur mirë,
Klodiana Lala: Policia është e përfshirë në trafik kanabisi, pse nuk arrestoi Klement Balilin?
Xhemal Qefalia: Me lejo të mbaroj
Klodiana Lala: Këto janë fakte
Klodiana Lala: Pse nuk u reagua për rastin Balili?
Xhemal Qefalia: Policia është në veprim. Ne si mazhorancë kemi gjithë vullnetin dhe po bëjmë përpjekje për të vërë krimin në duart e policisë. Ka vullnet për t’i shkur deri në fund. A ka elementë që duhen larguar nga policia? Po, ka, do shikohet çdo drejtues policie për të lënë të pastër figurën e punonjësit të policisë.
